Galicia Gourmet de Colineta

Preparación:

Pelamos as gambas deixándolles a cola. Limpamolas e ensartamolas nun espeto.

Mesturar a reladura de lima, o sésamo, o aceite de sésamo e o cumiño en po e untar as gambas coa mestura. Reservar na neveira.

Cortar o mango en cintas anchas e finas. Cortar as chalotas en rodas finas. Mesturar o azucre co zume de lima

Picar o coandro e a menta e mesturar co mango, a chalota e o zume de lima con azucre.

Emplatar a ensalada no centro do plato e reservar ata o momento de servir.

Asar as gambas a lume vivo 1 minuto por cada lado. Dispoñelas sobre a ensalada e servir.

Preparación:

Mesturar as xemas coa nata, engadir os ourizos e batir un pouco cunha pequena turmix. Sazonar.

Dispoñer esta mestura no recipiente de cocción

Cocer a baño Maria 15 minutos aproximadamente, ou ao vapor tapados con film durante 12 minutos.

Elaboración

Rustrir as escalonias ben picadas en aceite de oliva a lume lento e engadir as sendeiriñas deixándoas confeitar no aceite uns minutos.

Poñer as patacas peladas e cortadas en anacos en agua a cocer cun pouco de sal e aceite e unhas cantas sendeiriñas para que collan máis sabor.

Unha vez cocidas escorrer parte da auga e esmagar cun garfo, reservar en quente. Fritir os ovos. Colocar nun prato o puré de patacas en forma de volcán, poñer o ovo frito derriba e engadir as sendeiriñas confeitadas por derriba e a comer.

Elaboración

Cortar os níscalos en láminas finas e confeitalos a lume lento con aceite de oliva, sal e os allos cortados en láminas.

Con ese mismo aceite confeitar as patacas cortadas en láminas finas, cocéndoas ao forno a 180° durante uns 20 minutos. Escorrer ben todo o aceite das patacas. Intercalar dentro dun molde redondo capas de pataca e níscalos como se dunha lasaña se tratara, colocar o queixo de Arzúa por encima e fundir uns minutos no forno.

Pepe Solla (xunior) viviu a súa infancia mirando como os platos fluían da cociña ao comedor do restaurante familiar (un dos templos da cociña tradicional galega no seu momento).

E co paso do tempo fíxose cargo do negocio, mantendo a inmensa calidade dos produtos da terra pero aplicándolles tratamentos máis acordes coa cociña e os gustos e tendencias actuais.

En Casa Solla, emprazado nun vello pazo reformado, cunhas magnificas vistas ao verde de Poio pero a un paso do mar, os peixes e mariscos son unha referencia, pero nos últimos tempos a súa costela de ibérico (un churrasco refinado, como di Pepe) é imprescindible na mesa.

O comedor, minimalista, abrese ao campo circundante a través de amplas cristaleiras, o mesmo que a cociña, sen máis separación coa sala que unha enorme lámina de cristal.

Casa Solla
Avenida Sineiro, 7
San Salvador de Poio (Pontevedra)
Teléfono 986 87 28 84
www.restaurantesolla.com
correo@restaurantesolla.com
Pecha: Luns completo e as noites de domingo e xoves.

Ver en mapa

Coordenadas decimais para o GPS: 42.433435 -8.668749

Antonio Botana ía para avogado cando descubriu que a súa verdadeira vocación era a cociña e, como un perfecto autodidacta, comezou a súa formación que o levou por algúns dos mellores restaurantes galegos ata acabar montado o seu propio negocio, Pandemonium, na vila mariñeira de Cambados que, xunto con Yayo Daporta, converteu nun destino gastronómico de primeira.

En Pandemonium atoparemos un acolledor e cálido comedor, ao que se accede a través da vinoteca, e unha carta na que os peixes e marisco da ría de Arousa, que ten aos seus pés, toman protagonismo.

Botana maniféstase como o máis firme defensor dos cefalópodos da ría, e na súa carta non faltan as mellores luras e chocos, así como o polbo, ao que aplica un novo sistema de cocción, envasado ao baleiro, que potencia o seu sabor e proporciónalle unha textura extraordinaria.

Pandemonium
Rúa Albariño 16 bajo 1
36630 Cambados (Pontevedra)
Tel. 986543638

Ver en mapa

Coordenadas decimales para GPS: 42.512507 -8.81435

A 28 quilómetros de Santiago de Compostela atópase A Estrada (Pontevedra) e alí o Velis Nolis ofrece unha cociña de fusión de tradición e innovación da man do chef catalán Jaume García, que transmite aos seus pratos a paixón pola calidade do produto galego sen por iso esquecer as súas orixes, polo que o toque catalán sempre está presente.

A cociña oriental, e en especial a xaponesa, é outra das paixóns do chef.

Un local sinxelo e acolledor no que gozar da súa carta, o menú degustación ou o prato do día.

Velis Nolis
R/ Antón Losada Diéguez, 24
36680 A Estrada (Pontevedra)
Tel. 986 590 139

Ver en mapa

Coordenadas decimales para GPS: 42.687593 -8.499835

Emprazado na estación do ferrocarril de Cambre (A Coruña), A Estación ofrece un delicioso ambiente de vagon restaurante de ferrocarril, amenizado polo paso dos trens de proximidade pola vía contigua.

Dispón ademais dunha segunda sala espléndida, que a diario funciona como comedor de fumadores pero tamén pode empregarse como reservado.

Gobernan os seus fogóns Beatriz Sotelo, gañadora do concurso Cociñeiro do Ano 2008, celebrado no marco de Alimentaria (Barcelona) e Juan Crujeiras, chef fundador da casa.

Cociña innovadora baseada nos produtos do mar e o campo galegos.

A Estación
Estrada da Estación, 51
15660 Cambre (A Coruña)
981 67 69 11

Ver en mapa

Coordenadas decimales para GPS: 43.290889 -8.352238

Elaboración:

Branquear as trompetas ao vapor e picalas.
Mesturar a améndoa, o azucre, os ovos, o po de cogomelos, a fariña e a manteiga.
Incorporarlle á masa anterior as trompetas e colocala en moldes de financeiros.
Pórlle a cada molde unha guinda e fornear a 180º 10 minutos.